Friday, June 29, 2007

എന്റെ സത്യാന്വേഷണ പരീക്ഷണകഥ

കൃതി: ആത്മകഥ അഥവാ എന്റെ സത്യാന്വേഷണ പരീക്ഷണകഥ
കര്‍ത്താവ്‌: എം. കെ. ഗാന്ധി

പരിഭാഷ: ഡോ. ജോര്‍ജ്‌ ഇരുമ്പയം
isbn: 81-7229-200-9
പ്രസാ: നവജീവന്‍


കുറച്ച്‌ വര്‍ഷങ്ങള്‍ക്കുമുന്‍പ്‌ ഗാന്ധിയുടെ ആത്മകഥ ഇംഗ്ലീഷില്‍ വായിച്ചപ്പോള്‍ അധികമൊന്നും മനസ്സിലായില്ല. ഇന്ത്യയുടെ രാഷ്ട്രീയവും ചരിത്രപരവുമായ ഒരു നല്ല പശ്ചാത്തലം എനിക്കില്ലാതിരുന്നതുകൊണ്ടും ഇംഗ്ലീഷ്‌ പരിജ്ഞാനത്തിന്റെ പോരായ്മ കൊണ്ടും അതൊരു ശ്രമകരമായ വായനയായിരുന്നു. ശ്രദ്ധയോടെ വായിച്ച കുറച്ചു ഭാഗങ്ങള്‍ പോലും മനസ്സില്‍ നേരെചൊവ്വെ തങ്ങിനിന്നില്ല. ആകെ ഓര്‍മ്മയില്‍ പതിഞ്ഞുകിടന്നത്‌ പുസ്തകത്തില്‍ പ്രതിപാദിച്ച ഗാന്ധിയുടെ ജീവിതത്തിലെ രണ്ടു സംഭവങ്ങള്‍ മാത്രമാണ്‌-- ഒന്ന്: ഗാന്ധി കുട്ടിയായിരിക്കുമ്പോള്‍ മതവിശ്വാസത്തിന്‌ എതിരായിരുന്നിട്ടും വീട്ടുകാരറിയാതെ പോയി രഹസ്യമായി മാംസം ഭക്ഷിച്ചിരുന്നു; അതില്‍ നിന്ന് കൂടുതല്‍ കായികബലവും ആരോഗ്യവും കിട്ടുകയും അങ്ങനെ ബ്രിട്ടീഷുകാരെ പൊരുതിത്തോല്‍പ്പിച്ച്‌ ഇന്ത്യയില്‍നിന്ന് ഓടിക്കാന്‍ കഴിയുകയും ചെയ്യുമെന്നായിരുന്നു അദ്ദേഹത്തിന്റെ വിശ്വാസം. രണ്ട്‌: പില്‍ക്കാലത്ത്‌ ഒരു നിയമവിദ്യാര്‍ത്ഥിയായി ഇംഗ്ലണ്ടില്‍ കഴിയുമ്പോള്‍, സസ്യാഹാരം മാത്രമേ കഴിക്കൂ എന്ന് ദൃഢപ്രതിജ്ഞയെടുത്തിരുന്നതുകൊണ്ട്‌ ഒരു ഹോട്ടലില്‍ മെനു-കാര്‍ഡില്‍ ഏതാണ്‌ സസ്യാഹാരം ഏതാണ്‌ മാംസാഹാരം എന്ന് തിരിച്ചറിയാനാകാതെ വിഷമിച്ച്‌ മിഴിച്ചിരിക്കുമ്പോള്‍ ഒരു സ്ത്രീ അത്‌ ശ്രദ്ധിക്കുകയും അദ്ദേഹത്തിന്റെ ബുദ്ധിമുട്ട്‌ മനസ്സിലാക്കി സഹായിക്കുകയും പിന്നീട്‌ അദ്ദേഹത്തിന്റെ അടുത്ത സുഹൃത്തായിമാറുകയും ചെയ്തു. ഈ രണ്ട്‌ സംഭവങ്ങളല്ലാതെ വേറെയൊന്നും മുന്‍പത്തെ വായനയില്‍നിന്ന് എന്റെ മനസ്സില്‍ തങ്ങിനിന്നില്ല.

ഇപ്രാവശ്യം വായിച്ചത്‌ ഒരു മലയാളം പരിഭാഷയാണ്‌. ഇന്ത്യക്കാരും ലോകവും അറിയുന്ന സ്വാതന്ത്ര്യസമരസേനാനിയായ ഗാന്ധിയെക്കുറിച്ചല്ല ഈ പുസ്തകം. കാരണം ഇത്‌ പ്രധാനമായും അദ്ദേഹത്തിന്റെ ആദ്യകാലജീവിതത്തിന്റെ വിവരണമാണ്‌. അതായത്‌, ജനനം മുതല്‍ ഇന്ത്യയിലെ ജനങ്ങളുടെയിടയില്‍ ഒരു രാഷ്ട്രീയപ്രവര്‍ത്തകനെന്ന പ്രശസ്തിയിലേക്ക്‌ കാലെടുത്തുവെക്കുന്നയിടം വരെ, അതായത്‌, 1920-കള്‍ വരെ. അതിനുശേഷമുള്ള തന്റെ ജീവിതം ഇന്ത്യന്‍ ജനതയുടെ മുന്‍പില്‍ പരസ്യമായിരുന്നു. ആത്മകഥ ആ സമയം വരെ മാത്രമായി ഒതുക്കാന്‍ അദ്ദേഹത്തിന്‌ അത്‌ മതിയായ ഒരു കാരണമായിരുന്നു. ഇന്ത്യയില്‍ തന്റെ കുടുംബവുമൊത്ത്‌ ചിലവഴിച്ച കുട്ടിക്കാലമൊഴിച്ചാല്‍ പുസ്തകം പ്രധാനമായും ഇംഗ്ലണ്ടില്‍ വിദ്യാര്‍ത്ഥിയായിരുന്ന കാലത്തെയും അതിനുശേഷം ദക്ഷിണാഫ്രിക്കയില്‍ ബാരിസ്റ്ററായി ജോലി ചെയ്ത കാലത്തെയും ഗാന്ധിയുടെ ജീവിതമാണ്‌ വിവരിക്കുന്നത്‌. ജീവിതകാലം മുഴുവന്‍ അദ്ദേഹം ഒരു തികഞ്ഞ ആദര്‍ശവാദിയായിരുന്നു. തന്റെ ആദര്‍ശങ്ങള്‍ സംരക്ഷിക്കാനും സാക്ഷാത്‌കരിക്കാനും അദ്ദേഹം തന്റെ സ്വന്തം ജീവിതം കൊണ്ടുള്ള പല പരീക്ഷണങ്ങളിലും ഏര്‍പ്പെട്ടു. ആത്മസാക്ഷാത്‌കാരത്തിനായി യാതൊരു വിട്ടുവീഴ്‌ചയുമില്ലാതെ അദ്ദേഹം കിണഞ്ഞു പരിശ്രമിച്ചിരുന്നു. സത്യത്തിലും അഹിംസയിലും അധിഷ്ഠിതമായ ആത്മശുദ്ധീകരണത്തിലൂടെ മാത്രമേ മോക്ഷം ലഭിക്കുകയുള്ളൂ എന്നദ്ദേഹം വിശ്വസിച്ചിരുന്നു. അദ്ദേഹം പിടിവാശിയോടെ മുറുകെപ്പിടിക്കാന്‍ ശ്രമിച്ച പല ആദര്‍ശങ്ങളും തന്റെ തന്നെ ശരീരത്തോടും മനസ്സിനോടുമുള്ള ക്രൂരതയായി മാറുകയും തന്നെ സ്നേഹിക്കുന്ന ഉറ്റവരുടെ മനസ്സുകളില്‍ വേദനയും സംഘര്‍ഷവും നിറക്കുകയും ചെയ്തു.

ഭാരതത്തിന്റെ രാഷ്ട്രീയപ്രസ്ഥാനത്തിലെ പ്രത്യേകപ്രയോഗങ്ങളായ സത്യാഗ്രഹം, നിസ്സഹകരണം തുടങ്ങിയ വാക്കുകള്‍ ഉണ്ടായ പശ്ചാത്തലത്തെക്കുറിച്ചുള്ള വിവരണങ്ങള്‍ വായിക്കുക രസകരമാണ്‌.

തങ്ങള്‍ ഉറച്ചുവിശ്വസിക്കുന്ന സിദ്ധാന്തങ്ങളും ആദര്‍ശങ്ങളും പ്രചരിപ്പിക്കുന്നതിന്റെ ഭാഗമായി ഈ പുസ്തകത്തിന്റെ പ്രസാധകരും വിതരണക്കാരുമായ നവജീവന്‍ ട്രസ്റ്റ്‌ വിലകുറച്ചാണ്‌ ഇത്‌ വില്‍ക്കുന്നത്‌. 500 പേജുകളുള്ള ഈ പുസ്തകത്തില്‍ ഒരു അച്ചടിപ്പിശക്‌ പോലുമില്ല എന്നുള്ളത്‌ അവര്‍ക്ക്‌ തങ്ങളുടെ കര്‍മ്മത്തോടുള്ള ആത്മാര്‍ത്ഥതയും പ്രതിബദ്ധതയുമാണ്‌ കാണിക്കുന്നത്‌. പേരെടുത്ത പ്രസാധകരുടെ ഉന്നതനിലവാരമുള്ള കടലാസിലും അച്ചടിയിലും ഇറങ്ങുന്ന കൃതികളില്‍ വരെ ഒന്നു രണ്ട്‌ തെറ്റുകളെങ്കിലും കാണാന്‍ കഴിയുന്ന ഇക്കാലത്ത്‌ ഇതൊരു നേട്ടം തന്നെയാണ്‌. മനോഹരവും ഒഴുക്കുള്ളതുമായ ഒരു പരിഭാഷ വായനക്കാരനു നല്‍കിയ ഡോ. ജോര്‍ജ്‌ ഇരുമ്പയവും അഭിനന്ദനമര്‍ഹിക്കുന്നു.

കടപ്പാട്‌: മഞ്ജുവിനോട്‌



* * *



book: aatmakatha athava ente satyanweshana pareekshanakatha
author: m. k. gandhi

translator: dr. george irumbayam
isbn: 81-7229-200-9
publ: navajivan


a few years ago, when i read the autobiography of gandhi in english, i couldn't get much of it. my poor knowledge of india's historical and political background and a lack of good grasp of the english language made it a very tiring read. nothing much of even the very little portion of the book i could manage to read attentively could remain in my memory. all i could remember from the past read was two separate incidents of gandhi's life mentioned in the book-- one: as a child, gandhi used to eat meat against his religious beliefs secretly without letting his family know about it, as he believed that it could help him gain more physical strength and health which in turn could help him in fighting and ousting the british from india. two: later, as a young student in england by which time he had turned a firm believer in vegetarianism, a woman spotted him once sitting at the table in a retaurant staring at the menu-card not able to make out which items contained meat and which didn't, and understanding his predicament readily helped him and soon became a close friend. apart from these two incidents, i couldn't retain anything in my memory from my past read.

this time what i read was a malayalam translation. the book is not about the gandhi indians and the world know as the great freedom fighter because it covers only his early years starting from his birth until the time he just started becoming popular among indians as a national leader struggling for the cause of india's independence, i.e., the 1920s. thereafter, his life's activities became open to the indian people which was enough reason for him to stop writing the autobiography at the point. the bulk of the book is largely about the years of his life spent in england as a law student and later in south africa as a barrister in addition to the childhood he spent with his family in india. throughout his life, he remained a man of principles and had been experimenting with his life in various ways in order to uphold and fulfill them. he always exhibited a great deal of keenness and perseverance in attaining spiritual salvation which he believed was possible only through purification of one's own soul with such virtues as non violence and truth. many of the principles he adamantly adhered to amounted to torturing his own body and mind with suffering which also subjected those who loved him to mental anguish.

interestingly, the book gives a brief background of the coinage of some special expressions related to india's national movement such as satyagraha, non-cooperation etc.

the book is published and distributed by the navajivan trust who have been selling it at subsidized prices in order to propagate the principles they firmly believe in. the fact that there is not even a single typo in this 500-page book which testifies to their profound commitment and sincerity to their cause deserves special mention. this is indeed an achievement in the time when even publications in high quality paper and printing from renowned publishers cannot do without at least a couple of errors. also, dr. george irumbayam has done a great job in presenting the reader with such a wonderful and smooth translation.

courtesy: manju

liar..

"If a man say, I love God, and hateth his brother, he is a liar: for he that loveth not his brother whom he hath seen, how can he love God whom he hath not seen?"


- John
(the new testament)

Monday, June 25, 2007

rushdie and sir റഷ്‌ദിയും സറും

the objective of this post is neither to back rushdie nor to condemn him, but only to voice some doubts that arose in my mind seeing the latest developments that have been taking place surrounding the knighthood issue.

there has been an enormous shower of abuses, slogans and fatwas against the man since the british government bestowed the title of sir on him. iran and pakistan ignited the row and a little later malaysia too joined in, and of course there is a small group of people from britain itself. one of the politicians in pakistan declared that a suicide bombing attempt to kill the writer would be justified in the eyes of islam. and yet another group of people--neither politicians nor clerics, but businessmen-- offered rs.10 million for his head. the question i am trying to find an answer for is this: why all these fatwas and rulings now? why now? because he has written the the satanic verses that lampooned the prophet and islam? if that is the reason, then this is not the right time. because that book was written more than eighteen years ago. and a fatwa was pronounced over the author at around the same time by the iranian cleric ayatollah khomeini as a wonderful valentine's day gift to him on the 14th of february of the year 1989 which still stands to this day. why did nobody kill him all these years following the fatwa? where were all these effigy burning - fatwa declaring - slogan shouting people all these eighteen years? if a fatwa could not be put into action for so long a duration even when the person at whom it was directed had been roaming around the world and appearing in the middle of people now and then, what good would another fatwa for the same cause do? isn't a single fatwa enough to put someone to death once? or is anyone planning on killing him more than once? or is it only now that these people came to know of such an author and such a book? weren't they aware of it when it was released for the first time? or is it because the name of the writer is now adorned with the title sir? if yes, then it is not him the fatwa is to be directed against, but those who were responsible for it, i.e., the members of the committee and authorities involved in conferring the honour on him. but either way, it would not hold since from the islamic perspective, there is no validity for a fatwa on someone just because he has attained knighthood or a similar honour or is involved in the process. further, the award is not for the writing of the book the satanic verses, but for the artsitic capabilities the author has exhibited in literature in general. so, i guess it is all nothing more than yet another 'religious' gimmick?

most notably, the current protests are only from a minority among the muslims. and quite interestingly, none of the fatwas or rulings is from a religious leader, and none of the multitude of islamic governments other than iran and pakistan has formally expressed any sort of disapproval or resentment. perhaps muslims have learned an important lesson from the happenings of the past few years, especially the prophet's cartoons controversy, that there is nothing to gain from making a fuss of such events, and instead such moves would only help in tainting the image of islam even further. the cartoons of the prophet were published in a newspaper in the danish language-- a language spoken and understood by only a minor fraction of the world's population. for the same reason, its circulation must be negligible in the international level. and like any other daily, the issue of jyllands posten newspaper that carried the satirical caricatures of the prophet too moved into oblivion as the next day's edition arrived. but after several months, a zealot dug it out and distributed cyclostyled copies of the news to the world. the result was that it spread like wildfire and entered every media possible, making people insult prophet and islam again and again and again. the very act that was condemned was made to be repeated in a number of ways, for how could a newspaper or a television newscast report the matter without presenting a sample of the cartoons. today, just the simplest online search on google for prophet's cartoons will yield thousands of copies of those pictures. thus something which the world would never have known has become indelibly etched on the face of history. in future, if anybody does a similar thing once again it would be simply considered allowed and the islamic world will have to turn a blind eye to it as everyone has had enough of it and no one can afford to create a similar controversy to one's own loss once again. people seem to have learnt that silence is the best thing in such occassions to save one's religion from damage. perhaps that is one of the major reasons why all those islamic nations and religious scholars remain mum on the issue of rushdie's knighthood, despite the fact that iran has warned britain that all islamic countries would be against them if they didn't revoke the honour. i guess they value islam more than those small groups of religious fanatics who love to play with fatwas.





ഈ പോസ്റ്റിന്റെ ഉദ്ദേശം റഷ്ദിയെ പിന്താങ്ങുകയോ കുറ്റപ്പെടുത്തുകയോ അല്ല. മറിച്ച്‌, കുറച്ചു ദിവസങ്ങളായി കണ്ടുകൊണ്ടിരിക്കുന്ന റഷ്ദിയുടെ സര്‍ പദവിയുമായി ബന്ധപ്പെട്ട ചില സംഭവവികാസങ്ങള്‍ മനസ്സിലുയര്‍ത്തിയ ചില സംശയങ്ങള്‍ പറഞ്ഞുവെക്കുക എന്നുള്ളതാണ്‌.

ബ്രിട്ടിഷ്‌ സര്‍ക്കാര്‍ ഈ എഴുത്തുകാരന്‌ സര്‍ പദവി നല്‍കിയതിനെത്തുടര്‍ന്ന് നിസ്സാരമല്ലാത്ത ശകാരവര്‍ഷങ്ങളും മുദ്രാവാക്യങ്ങളും ഫത്‌വകളും അദ്ദേഹത്തിനെതിരെ ചൊരിയപ്പെട്ടുകൊണ്ടിരിക്കുന്നു. ഇറാനും പാകിസ്താനും ഇതിനു തിരികൊളുത്തി. പിന്നാലെ മലേഷ്യയും കൂട്ടത്തില്‍ക്കൂടി. ബ്രിട്ടനില്‍ത്തെന്നെയുള്ള ഒരു ചെറിയ വിഭാഗം മുസ്ലിങ്ങളും രംഗത്തെത്തി. റഷ്ദിയെ വധിക്കാനായി ഒരു ചാവേറാക്രമണം നടത്തിയാല്‍ അത്‌ ഇസ്ലാമിന്റെ ദൃഷ്ടിയില്‍ ന്യായീകരിക്കപ്പെടത്തക്ക പ്രവൃത്തിയായിരിക്കുമെന്ന് പാകിസ്താനിലെ ഒരു രാഷ്ട്രീയനേതാവ്‌ ഉദ്ഘോഷിച്ചു. മറ്റൊരു കൂട്ടരാകട്ടെ-- മതമേധാവികളോ രാഷ്ടീയനേതാക്കന്മാരോ അല്ല, മറിച്ച്‌ ഒരുകൂട്ടം കച്ചവടക്കാര്‍-- അദ്ദേഹത്തിന്റെ തലക്ക്‌ പത്ത്‌ മില്ല്യണ്‍ രൂപ പ്രഖ്യാപിച്ചു. ഞാന്‍ ഉത്തരമന്വേഷിക്കുന്ന ചോദ്യമിതാണ്‌. ഈ ഫത്‌വകളൊക്കെ ഇപ്പോഴെന്തിന്‌? എന്തിന്‌ ഇപ്പോള്‍? പ്രവാചകനെയും ഇസ്ലാമിനെയും അവഹേളിച്ച ദ്‌ സറ്റാനിക്‌ വേഴ്‌സസ്‌ എന്ന പുസ്തകമെഴുതിയതിനോ? അതിനാണെങ്കില്‍ ഇപ്പോഴല്ല അതിനുള്ള സമയം. കാരണം ആ പുസ്തകമെഴുതപ്പെട്ടിട്ട്‌ പതിനെട്ട്‌ വര്‍ഷങ്ങളിലധികം കഴിഞ്ഞിരിക്കുന്നു. ഏതാണ്ടാ സമയത്തുതന്നെ ഇറാനിലെ ആത്മീയനേതാവായ ആയത്തുള്ള ഖുമൈനി അയാള്‍ക്കുമേല്‍ ഒരു മനോഹരമായ വാലന്റൈന്‍ ദിനസമ്മാനം പോലെ 1989-ലെ ഫെബ്രുവരി 14-ന്‌ ഫത്‌വ പ്രഖ്യാപിച്ചിരുന്നു. ആ ഫത്‌വ ഇന്നും നിലനില്‍ക്കുന്നു. ആ ഫത്‌വയനുസരിച്ച്‌ എന്തുകൊണ്ട്‌ ആരും അയാളെ ഇതുവരെ വധിച്ചില്ല? ഇപ്പോഴത്തെ ഈ ഫത്‌വ പുറപ്പെടുവിക്കുന്ന, കോലം കത്തിക്കുന്ന, മുദ്രാവാക്യം മുഴക്കുന്ന ആള്‍ക്കാരൊക്കെ ഈ പതിനെട്ടു വര്‍ഷം എവിടെയായിരുന്നു? ഫത്‌വയനുസരിച്ച്‌ വധിക്കപ്പെടേണ്ടയാള്‍ ഇത്രയും വര്‍ഷങ്ങളോളം ലോകം മുഴുവന്‍ ചുറ്റിനടക്കുകയും കൂടെക്കൂടെ ജനമദ്ധ്യത്തില്‍ പ്രത്യക്ഷപ്പെടുകയും ചെയ്തിട്ടും ഇതുവരെ ആര്‍ക്കും ആ ഫത്‌വ നടപ്പിലാക്കാന്‍ സമയം കിട്ടിയില്ലെങ്കില്‍ പിന്നെ അതേ കാര്യത്തിനായി പുതിയ ഫത്‌വകള്‍ പുറപ്പെടുവിക്കുന്നതുകൊണ്ട്‌ എന്തു പ്രയോജനം? ഒരാളെ ഒരുതവണ കൊല്ലാന്‍ ഒരു ഫത്‌വ ധാരാളമല്ലേ? അതോ അദ്ദേഹത്തെ ഒന്നിലധികം പ്രാവശ്യം കൊല്ലാന്‍ വല്ലവര്‍ക്കും പദ്ധതിയുണ്ടോ? അതോ ഇപ്പോള്‍ മാത്രമാണോ അവര്‍ അങ്ങനെയൊരു എഴുത്തുകാരനെക്കുറിച്ചും അങ്ങനെയൊരു പുസ്തകത്തെക്കുറിച്ചും അറിയാനിടയായത്‌? അത്‌ ആദ്യം പ്രസിദ്ധീകരിച്ച സമയത്ത്‌ അതിനെക്കുറിച്ച്‌ അറിഞ്ഞില്ലായിരുന്നോ? അതോ ഇനി സര്‍ എന്ന വാക്കുകൊണ്ട്‌ അദ്ദേഹത്തിന്റെ പേരിനെ മോടിപിടിപ്പിച്ചതിനാണോ ഈ ഫത്‌വയൊക്കെ? അങ്ങനെയെങ്കില്‍ അദ്ദേഹത്തിനുനേരെയല്ല ഫത്‌വ പുറപ്പെടുവിക്കേണ്ടത്‌. പകരം അതിനുത്തരവാദിത്തപ്പെട്ടവരോടാണ്‌, അതായത്‌ അങ്ങനെയൊരു പദവി ആ എഴുത്തുകാരന്‌ നല്‍കിയ കമ്മിറ്റിയംഗങ്ങളോടും അതുമായ ബന്ധപ്പെട്ട അധികൃതരോടും. പക്ഷേ എങ്ങനെയായാലും ആ വിധി ഇസ്ലാമികപ്രകാരം സാധുവായിരിക്കില്ല, കാരണം ആര്‍ക്കെങ്കിലും സര്‍ മുതലായ പദവികള്‍ ലഭിക്കുന്നതുകൊണ്ടോ അത്‌ നല്‍കുന്നതുകൊണ്ടോ ആരെയും വധശിക്ഷയ്ക്ക്‌ വിധിക്കാനുള്ള വകുപ്പില്ല. മാത്രവുമല്ല, ദ്‌ സറ്റാനിക്‌ വേഴ്‌സസ്‌ എന്ന പുസ്തകമെഴുതിയതിനല്ല ആ ബഹുമതി നല്‍കപ്പെട്ടത്‌, മറിച്ച്‌ സാഹിത്യത്തില്‍ പൊതുവെ അദ്ദേഹം പ്രകടിപ്പിച്ചിട്ടുള്ള കലാപരമായ കഴിവിനെ അടിസ്ഥാനപ്പെടുത്തിയാണ്‌. അതുകൊണ്ടുതന്നെ ഇതൊക്കെ വെറും സമയം കൊല്ലാനുള്ള 'മതപരമായ'മറ്റൊരു ഗോഷ്ടിയല്ലാതെ മറ്റൊന്നുമല്ല എന്നു തോന്നുന്നു?

ഏറ്റവും ശ്രദ്ധേയമായ കാര്യം ഈ പ്രതിഷേധവും പ്രകടനങ്ങളുമൊക്കെ മുസ്ലിങ്ങളില്‍പ്പെട്ട വളരെ ചെറിയ ഒരു വിഭാഗം ആള്‍ക്കാരില്‍നിന്നുമാത്രമാണ്‌. പിന്നെ, രസകരമായ കാര്യം, ഇതുവരെ പുറപ്പെടുവിക്കപ്പെട്ട വിധികല്‍പനകളൊന്നും ഒരു മതനേതാവില്‍നിന്നല്ല. ഇറാനെയും പാകിസ്താനെയും ഒഴിച്ചുനിര്‍ത്തിയാല്‍, എത്രയോ അധികം ഇസ്ലാമികരാഷ്ട്രങ്ങളുണ്ടായിട്ടും അവയിലൊന്നുപോലും ഔപചാരികമായ പ്രതിഷേധമോ അമര്‍ഷമോ പ്രകടിപ്പിച്ചുകണ്ടില്ല. ഒരുപക്ഷേ മുസ്ലിങ്ങള്‍ കഴിഞ്ഞ കുറച്ചു വര്‍ഷങ്ങളിലെ സംഭവവികാസങ്ങളില്‍നിന്ന്, പ്രത്യേകിച്ച്‌ പ്രവാചകന്റെ കാര്‍ട്ടൂണ്‍ വിവാദത്തില്‍നിന്ന്, വളരെ പ്രധാനപ്പെട്ട ഒരു പാഠം പഠിച്ചിട്ടുണ്ടാവണം. ഇങ്ങനെയുള്ള കാര്യങ്ങളെച്ചൊല്ലി ഒച്ചപ്പാടുണ്ടാക്കിയാല്‍ പ്രത്യേകിച്ചൊന്നും നേടാനില്ല എന്നും മറിച്ച്‌ അതുമൂലം ഇസ്ലാമിന്റെ തന്നെ ഭംഗിക്ക്‌ കൂടുതല്‍ കോട്ടം തട്ടുകയേയുള്ളൂ എന്നുമുള്ള പാഠം. പ്രവാചകന്റെ ചിത്രങ്ങള്‍ പ്രസിദ്ധീകരിച്ചത്‌ ലോകജനസംഖ്യയിലെ വളരെ ചുരുങ്ങിയ ഒരു വിഭാഗം മാത്രം സംസാരിക്കുകയും മനസ്സിലാക്കുകയും ചെയ്യുന്ന ഡാനിഷ്‌ ഭാഷയിലുള്ള ഒരു പത്രത്തിലാണ്‌. ആ കാരണം കൊണ്ടുതന്നെ അതിന്റെ പ്രചാരവും അന്താരാഷ്ട്രതലത്തില്‍ വളരെ ചുരുങ്ങിയതായിരിക്കും. ഏതു പത്രത്തെയും പോലെ, പ്രവാചകന്റെ ആക്ഷേപഹാസ്യചിത്രങ്ങളടങ്ങിയ ജില്ലന്‍ഡ്‌സ്‌ പോസ്റ്റെന്‍ പത്രവും പിറ്റേന്നത്തെ എഡിഷന്‍ ഇറങ്ങിയതോടെ മറവിയിലാണ്ടുപോയി. പക്ഷേ മാസങ്ങള്‍ക്ക്‌ ശേഷം ഒരാള്‍ അത്‌ കുത്തിപ്പൊക്കിക്കൊണ്ടുവരുകയും ആ വാര്‍ത്തയുടെ കോപ്പികളുണ്ടാക്കി വിതരണം നടത്തുകയും ചെയ്തു. ഫലമോ, അത്‌ കാട്ടുതീ പോലെ ലോകമെന്നും പടര്‍ന്നു. എല്ലാത്തരം മാദ്ധ്യമങ്ങളിലും അത്‌ പ്രവേശിച്ചു. അങ്ങനെ പ്രവാചനും ഇസ്ലാമും വീണ്ടും വീണ്ടും വീണ്ടും അവഹേളിക്കപ്പെട്ടു. ഏതു കാര്യത്തെയാണോ തെറ്റായി കണ്ടത്‌, അതുതന്നെ വീണ്ടും വീണ്ടും പലരീതിയില്‍ ആവര്‍ത്തിക്കാനിടയാക്കി. കാരണം, ആ കാരിക്കേച്ചറുകളെക്കുറിച്ച്‌ റിപ്പ്പ്പോര്‍ട്ട്‌ ചെയ്യുന്ന ഒരു പത്രമോ ടെലിവിഷന്‍ ചാനലോ ആ ചിത്രങ്ങളുടെ ഒരു സാമ്പിളെങ്കിലും കാണിക്കാതെ എങ്ങനെ അതിനെക്കുറിച്ചുപറയും. ഇന്ന് ഓണ്‍ലൈനില്‍ ഒരു സാദാ ഗൂഗിള്‍ സേര്‍ച്ച്‌ ചെയ്തുനോക്കിയാല്‍ ആ ചിത്രങ്ങളുടെ ആയിരക്കണക്കിന്‌ കോപ്പികള്‍ കിട്ടും. അങ്ങനെ ലോകം ഒരിക്കലും അറിയാനിടയില്ലാതിരുന്ന ഒരു കാര്യം ചരിത്രത്തിന്റെ മുഖത്ത്‌ ഇനിയൊരിക്കലും മായ്ക്കാന്‍ പറ്റാത്ത രീതിയില്‍ കൊത്തിവെക്കപ്പെട്ടു. ഭാവിയില്‍ ആരെങ്കിലും ഇനി ഒന്നുകൂടി അത്തരമൊരു പ്രവൃത്തി ചെയ്യാനിടയായാല്‍ അത്‌ സര്‍വ്വസാധാരണമായി അനുവദനീയമായ ഒരു കാര്യം പോലെ ആയിരിക്കുകയും മുസ്ലിം സമൂഹം അതിനെ കണ്ടില്ലെന്നു നടിക്കുകയും ചെയ്യുകയേയുള്ളൂ. കാരണം അത്‌ വേണ്ടതിലധികം ഏറ്റുപിടിച്ചുകഴിഞ്ഞു; ഇനിയും ഏറ്റുപിടിച്ച്‌ സ്വയം കോട്ടം വരുത്തിവെക്കാന്‍ വയ്യ. സ്വന്തം വിശ്വാസത്തെ കോട്ടം തട്ടാതെ നിലനിര്‍ത്താന്‍ മൗനം പാലിക്കുകയാണ്‌ നല്ലതെന്ന് ജനം മനസ്സിലാക്കിക്കഴിഞ്ഞു. സര്‍ പദവി പിന്‍വലിച്ചില്ലെങ്കില്‍ എല്ലാ മുസ്ലിം രാഷ്ട്രങ്ങളും ബ്രിട്ടന്റെ എതിരാവും എന്ന് ഇറാന്‍ പറഞ്ഞിട്ടുപോലും ഇസ്ലാമിക രാഷ്ട്രങ്ങളും മതപണ്ഡിതന്മാരും റഷ്ദിവിഷയത്തില്‍ നിഃശബ്ദരായിരിക്കുന്നതിനുള്ള ഒരു പ്രധാനകാരണം ഒരുപക്ഷേ അതായിരിക്കാം. ഒരുപക്ഷേ ഫത്‌വകളുണ്ടാക്കിക്കളിക്കാനിഷ്ടപ്പെടുന്ന കൊച്ചുസംഘങ്ങളേക്കാള്‍ കൂടുതല്‍ ഇസ്ലാമിനെ സ്നേഹിക്കുന്നത്‌ അവരായിരിക്കാം.

Thursday, June 21, 2007

hide and seek with venus വീനസുമായി ഒളിച്ചുകളി

the day before yesterday, when i went up on to the terrace in the evening at around 6.30pm, i saw a wonderful crescent and a gorgeous shiny 'star' up in the sky. somehow i was overly enchanted by the scene. the crescent and the 'star' towards its concave left side. i ran down and brought the camera and made a snap. but the sky was grey and not perfect dark. i thought, after some time when the sky would be darker, the duo would look much more brighter. i would be able to make a better snap then. i came down and returned up to the terrace after around two hours. to my utter astonishment, i saw the 'star' which was at the left concave side of the crescent now appeared at the right convex side! how could this be? i checked the earlier snap to make sure that the 'star' was towards the left in it. i guessed this was some miracle or something extraordinary. i thought of putting a post on my blog about the matter and ask if anybody knew about such a phenomenon. then after some time i dismissed the idea thinking that it might be a very common thing observable in the sky almost everyday and i was ignorant about it just because i didn't use to stare at the sky so often, and if i made a post about it, people might ridicule and laugh at me. so i gave up the idea of blogging about it. but today, i happened to stumble upon a news article in the gulf news about the happening. it says that this happens only twice a year. just at the exact day, me happening to go up to the terrace and spotting such a thing and falling in love with it and being able to capture the sight using my camera, and wanting to go back again to make a brighter picture-- all appear to be sweetly and incredibly incidental. the 'star' is actually the planet venus. it was at the left of the crescent. and it was moving towards the right. at some point it disappeared behind the crescent. it's a venus eclipse. and after some time it came out to the right side. luckily i hadn't deleted the two snaps i made. you can see those two pics below.





mon, 18th, around 6.30 pm(saudi time)




mon, 18th, around 8.30 pm(saudi time)




മിനിഞ്ഞാന്ന് വൈകിട്ട്‌ ഏതാണ്ട്‌ 6.30-ന്‌ ഞാന്‍ ടെറസ്സില്‍ പോയി. മാനത്ത്‌ മനോഹരമായ ചന്ദ്രക്കലയും അതിന്റെ ഇടത്തുവശത്തായി ഒരു 'നക്ഷത്ര'വും കണ്ടു. എന്തോ ഒരു പ്രത്യേകഭംഗിയുള്ളതായി തോന്നി ആ കാഴ്ച. ഓടി താഴെ പോയി കാമറയെടുത്തുകൊണ്ടുവന്ന് അതിന്റെ ഒരു ഫോട്ടോയെടുത്തു. അപ്പോള്‍ ആകാശം അരണ്ട നിറമായിരുന്നുവെങ്കിലും അധികം ഇരുട്ടായിരുന്നില്ല. അല്‍പം കൂടി കഴിഞ്ഞാല്‍ ശരിക്ക്‌ ഇരുട്ടുമ്പോള്‍ ചന്ദ്രക്കലയും 'നക്ഷത്ര'വും കൂടുതല്‍ പ്രകാശമുള്ളതായി കാണാന്‍ കഴിയും, അപ്പോള്‍ വന്ന് ഒരു ഫോട്ടോ കൂടി എടുക്കാം എന്ന് കരുതി ഞാന്‍ താഴേക്ക്‌ വന്നു. ഏതാണ്ട്‌ രണ്ട്‌ മണിക്കൂര്‍ കഴിഞ്ഞ്‌ വീണ്ടും ടെറസ്സില്‍ പോയി നോക്കിയപ്പോള്‍ കണ്ട കാഴ്ച അദ്ഭുതപ്പെടുത്തിക്കളഞ്ഞു! കുറച്ചുമുന്‍പ്‌ ചന്ദ്രക്കലയുടെ ഇടതുവശത്തുണ്ടായ 'നക്ഷത്രം' ഇപ്പോള്‍ ഇതാ വലതുവശത്ത്‌ കാണുന്നു! ഇതെന്തു മറിമായം! നേരത്തെയെടുത്ത ഫോട്ടോ നോക്കി അത്‌ ആദ്യം ഇടതുവശത്തു തന്നെയായിരുന്നു എന്ന് ഉറപ്പ്‌ വരുത്തി. ഈ അദ്ഭുതപ്രതിഭാസത്തെക്കുറിച്ച്‌ ആര്‍ക്കെങ്കിലും അറിയാമോ എന്നും ചോദിച്ച്‌ ബ്ലോഗില്‍ ആ ചിത്രങ്ങള്‍ സഹിതം ഒരു പോസ്റ്റിടാമെന്ന് കരുതി. പക്ഷെ പിന്നീടാലോചിച്ചപ്പോള്‍ അത്‌ ഒരുപക്ഷെ നിത്യേനയെന്നോണം ആകാശത്ത്‌ നടക്കുന്ന ഒരു കാര്യമായിരിക്കുമെന്നും ഞാന്‍ അധികം മാനം നോക്കി ഇരിക്കാറില്ലാത്തതുകാരണം അതിനെക്കുറിച്ച്‌ അറിവില്ലാതെപോയതാവാമെന്നും അതിനെക്കുറിച്ച്‌ പോസ്റ്റിട്ടാല്‍ എല്ലാരും എന്നെ പരിഹസിച്ച്‌ ചിരിക്കുമെന്നും കരുതി ആ ഉദ്ദേശം വേണ്ടെന്നുവെച്ചു. പക്ഷെ ഇന്നിതാ നോക്കുമ്പോള്‍ ഗള്‍ഫ്‌ ന്യൂസില്‍ ഒരു ലേഖനം കിടക്കുന്നു അതിനെക്കുറിച്ച്‌. ഇത്‌ വര്‍ഷത്തില്‍ രണ്ട്‌ പ്രാവശ്യം മാത്രം സംഭവിക്കുന്ന പ്രതിഭാസമാണത്രേ! അത്‌ സംഭവിച്ച ദിവസം തന്നെ എനിക്ക്‌ മോളിലേക്ക്‌ പോകാന്‍ തോന്നിയതും ആ കാഴ്ചയുമായി പ്രേമത്തിലായതും, ചിത്രമെടുക്കാന്‍ തോന്നിയതും, കൂടുതല്‍ വ്യക്തമായ ചിത്രത്തിനായി വീണ്ടും മോളില്‍ പോകാന്‍ തോന്നിയതും--എല്ലാം വളരെ മധുരവും അവിശ്വസനീയവുമായ യാദൃശ്ചികത മാത്രം. ആ 'നക്ഷത്രം' വീനസ്‌ എന്ന ഗ്രഹമാണെന്ന് ആ ലേഖനത്തില്‍നിന്ന് മനസ്സിലായി(വീനസിന്റെ മലയാളമെനിക്കറിയില്ല!). അത്‌ ചന്ദ്രക്കലയുടെ ഇടത്തുവശത്തുനിന്ന് മെല്ലെമെല്ലെ നീങ്ങിനീങ്ങി ചന്ദ്രക്കലയുടെ പിന്നില്‍ അല്‍പം നേരം ഒളിച്ചിരുന്നു. ഒരു വീനസ്‌ ഗ്രഹണമാണിത്‌. എന്നിട്ടു മറവില്‍ നിന്ന് പുറത്തേക്കുവന്ന് വലതുവശത്ത്‌ പ്രത്യക്ഷമായി. ഭാഗ്യത്തിന്‌ ഞാന്‍ എടുത്ത ആ രണ്ട്‌ ചിത്രങ്ങളും ഡിലീറ്റ്‌ ചെയ്തിട്ടുണ്ടായിരുന്നില്ല. അതുകൊണ്ട്‌ ഇവിടെ പോസ്റ്റ്‌ ചെയ്യാന്‍ പറ്റി (മുകളില്‍).

Wednesday, June 20, 2007

സ്നേഹങ്ങള്‍..

എനിക്ക്‌ ചില നല്ല ഹൃദയങ്ങളെ സ്നേഹിക്കുവാന്‍ ഭാഗ്യമുണ്ടായല്ലോ.
ചില നല്ല ഹൃദയങ്ങള്‍ക്ക്‌ എന്നെ സ്നേഹിക്കുവാനുമായല്ലോ.
കണ്ണ്‌ നനയിക്കുകയും കരളിലെ കറ കഴുകിക്കളയുകയും ചെയ്യുന്ന ആ സ്നേഹങ്ങളും അവയുടെയോര്‍മ്മകളുമാണ്‌ ജീവിതത്തില്‍ ആകെയുള്ള വിലപ്പെട്ട സമ്പാദ്യവും സമ്പത്തും..


ഇനി ഞാന്‍ കീബോര്‍ഡിലെ നനവ്‌ ഒപ്പട്ടെ...

Monday, June 18, 2007

people..

"People live as ever - spitting, throwing garbage, cheating, bribing, but leading a moral life - not smoking, not eating meat, not visiting a prostitute."

- Sujai K

Thursday, June 14, 2007

അവള്‍...

(വര്‍ഷങ്ങള്‍ക്കുമുന്‍പ്‌ ഒരു ഗസലിനു തൊട്ടു മുന്‍പായി ഉര്‍ദുവില്‍ ഒരു മനോഹരമായ ശേറ്‌ കേട്ടു. അത്‌ മനസ്സിന്റെ ആഴത്തിലേക്കിറങ്ങി ഹൃദയത്തിന്റെ ഒരു കോണ്‌ സ്വന്തമാക്കി. ഇപ്പോഴും അത്‌ അവിടെത്തന്നെ അള്ളിപ്പിടിച്ചിരിക്കുന്നു. അതിനുകൂട്ടായി എവിടെ നിന്നോ വേറെയും ചില വരികള്‍ ഓടിവന്നു. എല്ലാമെടുത്ത്‌ പെറുക്കിവെച്ചപ്പോള്‍ താഴെ കാണുന്നതായി. ഇതിന്‌ എന്തെങ്കിലും ഭംഗിയുണ്ടെങ്കില്‍ അത്‌ ആ ആദ്യത്തെ രണ്ടുവരികള്‍(ഇവിടെ ആദ്യത്തെ നാലു വരികള്‍) മൂലമാണ്‌. അത്‌ മാറ്റിയാല്‍ പിന്നെ മറ്റൊന്നും ബാക്കിയില്ല. ആ രണ്ടുവരികളുടെ ഉടമസ്ഥനായ ആ മഹാനായ, അജ്ഞാതനായ കവിക്കുമുന്‍പില്‍ ഞാന്‍ പ്രണമിക്കുന്നു!)


എന്നേക്കാളധികം എന്നെയറിയുന്നവളു,
ണ്ടെന്നരികേ,യെന്നിട്ടും അപരിചിതയാണവള്‍!
എന്റെ കവിത വായിക്കാനറിയാത്തവള്‍,
ഞാനെന്തു പറയാന്‍...എന്റെ കവിതയാണവള്‍!

അവളുടെ മെയ്യിന്റെയോരോ ചലനവും
എന്നെയുണര്‍ത്തുന്നു, സുന്ദരിയാണവള്‍..
അവളെന്റെ ഹൃദയത്തില്‍ പൂ വിതറിപ്പോയി,
എന്‍മനസ്സിന്റെ കാവല്‍ക്കാരിയാണവള്‍;

എന്നില്‍നിന്നുതിര്‍ന്നുവരുന്നോരു ഗീതവും
എന്നുടേതല്ല, അതിന്നുറവിടമാണവള്‍,
ഹൃദയത്തിന്‍ വേനലില്‍ കുളിരുള്ള മഴയുമായ്‌
പാറിവന്നെത്തുന്ന ചെറുമേഘമാണവള്‍;

വഴിവക്കിലെ കൊച്ചുപൂക്കളെ ചുംബിക്കും
ശലഭങ്ങളെപ്പോലെ ചഞ്ചലയാണവള്‍
ഇരുളിന്റെ വീഥിയില്‍ വഴികാട്ടിയായി
പ്രകാശം പരത്തുന്ന മിന്നാമിനുങ്ങവള്‍;

നിഴല്‍ പോലെയെപ്പോഴുമെന്നടുത്തുണ്ടവള്‍,
എങ്കിലും, എത്രയപരിചിതയാണവള്‍!
എന്റെ കവിത വായിക്കാനറിയാത്തവള്‍,
ഞാനെന്തു പറയാന്‍, എന്റെ കവിതയാണവള്‍!


Thursday, June 7, 2007

the adventures of huckleberry finn

title: The adventures of Huckleberry Finn
author: Mark Twain
publ: penguin books
isbn: 0-14-062064-8

bookcrossing link

this is an account of a bunch of adventurous experiences of huck and the runaway negro slave, jim that takes place on their journey along the river mississippi onboard a raft and the lands where they stop in between. tom sawyer also makes an appearance, though it is only around the beginning and towards the end. at the beginning it is the founding of the robbers' gang and its subsequent operations under his leadership, and towards the end of the book it is the elaborate and complicated course of action devised by him in freeing jim from captivity. his insistent efforts to 'go by the book' at every step makes it all outright hilarious! in fact, i liked him in the book hundred times more than huck. so it goes without saying that it is only the beginning and ending pages of the book that i really enjoyed. the portrayal of tom's characteristic style of thinking and doing things shows us vividly how a child sees the world. also, it takes us once again to our sweet, innocent childhoods.

as all the characters in the book speak their own local dialects, the reader gets a deep insight into the different ways people spoke english in various parts of america at the time the story took place, i.e., a century back.



* * *



പുസ്തകം: ദി അഡ്വെഞ്ചേഴ്‌സ്‌ ഓഫ്‌ ഹക്‌ക്‍ള്‍ബെറി ഫിന്‍
കര്‍ത്താവ്‌: മാര്‍ക്‌ ട്വേയ്‌ന്
‍പ്രസാധനം: പെന്‍ഗ്വിന്‍ ബുക്സ്‌
isbn: 0-14-062064-8

ഹക്‌ക്‍ള്‍ബെറി ഫിന്നും ഒളിച്ചോടിയ കറുത്ത അടിമയായ ജിമ്മും ഒരു ചങ്ങാടത്തിലേറി മിസ്സിസ്സിപ്പിനദിയിലൂടെ നടത്തുന്ന യാത്രയിലും ഇടക്ക്‌ തങ്ങുന്ന സ്ഥലങ്ങളിലും അവര്‍ക്കുണ്ടാകുന്ന ഒരുപിടി സാഹസികാനുഭവങ്ങളുടെ വിവരണമാണ്‌ ഈ പുസ്തകം. ടോം സോയറും ഇതില്‍ പ്രത്യക്ഷപ്പെടുന്നുണ്ട്‌, പക്ഷെ തുടക്കത്തിലും അവസാനത്തോടടുത്തും ഉള്ള ചില പേജുകളില്‍ മാത്രം ഒതുങ്ങിനില്‍ക്കുന്നു. തുടക്കത്തില്‍ പിടിച്ചുപറിക്കാരായ കള്ളന്മാരുടെ ഗൂഢസംഘമൗണ്ടാക്കുകയാണ്‌ അവന്റെ ജോലി. അവസാനം, ജിമ്മിനെ തടവില്‍നിന്ന് സ്വതന്ത്രനാക്കുക എന്ന ജോലിയും. ഓരോ സാഹസികകൃത്യം ചെയ്യുമ്പോഴും ചരിത്രത്തിലെയും പ്രശസ്തഗ്രന്ഥങ്ങളിലെയും പ്രസിദ്ധസാഹസികര്‍ കാണിച്ചുതന്നിട്ടുള്ളതുപോലെ തന്നെവേണം ചെയ്യാന്‍ എന്ന നിര്‍ബന്ധബുദ്ധിയോടെയുള്ള അവന്റെ നീക്കങ്ങള്‍ ചിരിയുടെ മാലപ്പടക്കം തീര്‍ക്കുന്നു. ഹക്കിനെക്കാളും നൂറിരട്ടി എനിക്കിഷ്ടപ്പെട്ടു ടോമിനെ. അതുകൊണ്ടുതന്നെ പുസ്തകത്തിന്റെ ആദ്യത്തെയും അവസാനത്തെയും കുറച്ചുപേജുകള്‍മാത്രമാണ്‌ ഞാന്‍ ശരിക്കാസ്വദിച്ചത്‌. ടോമിന്റെ തനതായ രീതിയിലുള്ള ചിന്തകളുടെയും പ്രവൃത്തികളുടെയും മനോഹരമായ ചിത്രം നെയ്യുന്നതിലൂടെ കഥാകാരന്‍ ഒരു കുട്ടി ലോകത്തെ നോക്കിക്കാണുന്ന രീതി നമുക്ക്‌ കാട്ടിത്തരുന്നു. നമ്മളെ ഒരിക്കല്‍ക്കൂടി നമ്മുടെ നിഷ്കളങ്കവും മധുരവുമായ കുട്ടിക്കാലത്തിലേക്ക്‌ കൂട്ടിക്കൊണ്ടുപോകുകയും ചെയ്യുന്നു.

ഇതിലെ ഓരോ കഥപാത്രവും തന്റെ പ്രദേശികശൈലിയിലാണ്‌ സംസാരിക്കുന്നത്‌. ഈ കഥ നടക്കുന്ന കാലത്തെ - അതായത്‌ ഒരു നൂറ്റാണ്ടുമുന്‍പത്തെ - അമേരിക്കയിലെ പല സ്ഥലങ്ങളിലുമുള്ള ആളുകള്‍ ഏതുരൂപത്തിലാണ്‌ ഭാഷ പ്രയോഗിച്ചിരുന്നത്‌ എന്നതിനെക്കുറിച്ചുള്ള നല്ല ഒരുള്‍ക്കാഴ്ച ഇത്‌ നല്‍ക്കുന്നു.

Tuesday, June 5, 2007

profit..

"what is a man profited, if he shall gain the whole world, and lose his own soul?"

- jesus
(the gospel of mathew)

Saturday, June 2, 2007

"suckle and be bound" "മുലകുടിച്ച്‌ ബന്ധം സ്ഥാപിക്കൂ"

the famed al azhar islamic university of egypt is in the news once again. but this time with the issuing of a rather funny fatwa by one of the scholars there that allows men to suckle the breasts of their female colleagues in the workplace (yeah, you read it right), in an effort to find a solution to the 'problem of women's employment' in islamic countries. according to the islamic law, a woman is not supposed to be out of her house alone with strangers of opposite sex without some guardian (mahram) from her family to chaperone her. this law makes it literally impossible for a woman to work outside her home unless a blood relation of hers sits by her side all the time while she is in office. but the al azhar scholar found a loophole in the shari'a. more than a thousand and four hundred years ago, the prophet had said that a woman who suckles anyone atleast five times is not eligible to marry that person and has to count him among her kin, which simply means that the person has to treat her as he does her mother or sister and cannot have any sort of sexual feelings towards her.

in olden arabia, wet nurses were popular, which makes a baby drink more milk from a strange woman than from his own mother. the prophet himself was taken care of by a wet nurse. no wonder such hadith emerge from such societies.

that said, it seems that said azhar scholar is among those hardline clerics who resemble those who would prefer cutting off a part of the foot to fit it into an older, smaller shoe to replacing it with a bigger, newer pair.

read the asharq alawsat news report



* * *



ഈജിപ്തിലെ അല്‍ അസ്‌ഹര്‍ സര്‍വ്വകലാശാല വീണ്ടും വാര്‍ത്തയില്‍. ഇത്തവണ അവിടത്തെ ഒരു പണ്ഡിതന്‍ പുറപ്പെടുവിച്ച ഒരു രസകരമായ ഫത്‌വയാണ്‌ ചര്‍ച്ചാവിഷയം. ഈ ഫത്‌വയനുസരിച്ച്‌ പുരുഷന്മാര്‍ക്ക്‌ കൂടെ ജോലി ചെയ്യുന്ന സ്ത്രീകളുടെ മുലകുടിക്കാം (ഇല്ല, വായിച്ചത്‌ തെറ്റിയിട്ടില്ല). ഇസ്ലാമികരാജ്യങ്ങളിലെ 'സ്ത്രീകളുടെ ജോലിസംബന്ധമായ ഒരു ബുദ്ധിമുട്ടൊ'ഴിവാക്കുന്നതിനാണ്‌ ഈ വിധി. ഇസ്ലാമികനിയമമനുസരിച്ച്‌ ഒരു സ്ത്രീക്ക്‌ വീട്ടിനുപുറത്ത്‌ ഒറ്റക്ക്‌ അപരിചിതരായ പുരുഷന്മാരുടെകൂടെയായിരിക്കാന്‍ പാടില്ല. സ്വന്തം വീട്ടിലുള്ള ഏതെങ്കിലും പുരുഷന്‍ (മഹ്‌റം) കൂടെയുണ്ടെങ്കില്‍ മാത്രമേ ഇത്‌ അനുവദനീയമാവുകയുള്ളൂ. അതായത്‌ ഒരു സ്ത്രീക്ക്‌ വീട്ടിനുപുറത്ത്‌ ഓഫീസിലും മറ്റും ജോലി ചെയ്യാന്‍ പാടില്ല എന്നര്‍ത്ഥം. ജോലി ചെയ്യണമെങ്കില്‍ രക്തബന്ധമുള്ള ആരെങ്കിലും മുഴുവന്‍ സമയം കൂടെയിരിക്കേണ്ടിവരും. പക്ഷേ അല്‍ അസ്‌ഹറിലെ പണ്ഡിതന്‍ ശരീ'അത്തില്‍ ഒരു പഴുത്‌ കണ്ടെത്തി. ആയിരത്തിനാന്നൂറിലുമധികം വര്‍ഷങ്ങള്‍ക്കുമുന്‍പ്‌ പ്രവാചകന്‍ പറഞ്ഞിരുന്നു അഞ്ചുതവണയെങ്കിലും ഒരാളെ മുലയൂട്ടിയിട്ടുള്ള ഒരു സ്ത്രീക്ക്‌ അയാളെ പിന്നെ വിവാഹം കഴിക്കല്‍ നിഷിദ്ധമാണെന്നും അയാളെ സ്വന്തം കുടുംബത്തിലെ ഒരംഗത്തെപോലെവേണം കാണാനെന്നും. അതായത്‌ ആ പുരുഷന്‌ പിന്നെ ആ സ്ത്രീയെ സ്വന്തം അമ്മയെയോ പെങ്ങളെയോ പോലെയേ കാണാന്‍ പാടുള്ളൂ എന്നും അവരോട്‌ യാതൊരുവിധ ലൈംഗികചിന്തയും ഉണ്ടായിക്കൂടാ എന്നുമര്‍ത്ഥം.

പുരാതന അറേബിയയില്‍ മുലയൂട്ടുന്ന പരിചാരികകള്‍ പ്രചാരത്തിലുണ്ടായിരുന്നു. സ്വന്തം അമ്മയില്‍നിന്ന് കുടിക്കുന്നതിനേക്കാളും കൂടുതല്‍ പാല്‍ ഇത്തരം സ്ത്രീകളില്‍നിന്ന് കുട്ടികള്‍ കുടിച്ചിരുന്നു. പ്രവാചകനെപ്പോലും അത്തരത്തിലൊരു പരിചാരികയാണ്‌ ചെറുപ്പത്തില്‍ നോക്കിവളര്‍ത്തിയത്‌. അത്തരം സമൂഹങ്ങളില്‍നിന്നും അത്തരം ഹദീസുകളുണ്ടാകുന്നത്‌ സ്വാഭാവികം മാത്രം.

ഏതായാലും ആ അസ്‌ഹര്‍ പണ്ഡിതന്‍ വലുപ്പമുള്ള ഷൂസ്‌ വാങ്ങാതെ ചെറിയ ഷൂസില്‍ പാദത്തിന്റെ ഒരു ഭാഗം വെട്ടിമാറ്റി തിരുകികയറ്റുന്നവരെ അനുസ്മരിപ്പിക്കുന്ന വിട്ടുവീഴ്ചയില്ലാത്ത മതമേധാവികളുടെ കൂട്ടത്തില്‍പ്പെട്ടയാളാണെന്ന് കരുതാന്‍ വേണ്ടത്ര ന്യായമുണ്ട്‌.